أحس انك تبي تبعد .. ولاتدري وش الحيله
ولا لك بالهجر أعذار .. ولابك جرح وتعاني
,,,,
حبيبي لابغيت تروح .. ابيك الماضي تزيله
ولاتفكر أبد بندم .. على خلن تناساني
,,,,
انا إن جيت تلقاني .. أحبك حب ماتزيله
رياح البعد والهجران .. ولا حتى أحد ثاني
,,,,
ابي تعرف بعد عني .. أعيش الحب واوفي له
وأضحي لجل عين اللي .. حرم نفسه عشاني
,,,,
ولا أغصب ابد واحد .. على حبي وتمويله
أبد لاينزعج مني .. وعلى المكشوف يلقاني
,,,,
أنا صادق واحب الصدق .. ولا شفت الصادق ادعيله
احس الكلمة بوجهه .. اعبرها وتقراني
,,,,
صريح بكل ماعندي .. ولا لي بالغدر حيله
على النيه ابى امشي .. وعسى الخونه تعداني
,,,,
وابي تعرف ترى قلبي .. بيعيش اليوم والليله
يشيل اهموم لو تدري .. يعانيها من يعاني
,,,,
ذبحني كثرة التفكير .. يطيح الفكر واشيله
واحاول انسى مايجري .. على الدنيا وأنساني
,,,,
الا ياخل ماودك .. تجيني تحمل الشيله
من التفكير بالدنيا .. من اهموم (ن) تحداني
,,,,
وإذا اتخليت ياربي .. عسى ماتذوق من ويله
وتلقى بالسعادة درب .. ولا يجيك اللذي جاني
,,,,
وانا اغني بهالدنيا.. ويميل الحظ بالميله
واهيجن وانظر القمرى وابكيها بألحاني
,,,,
والا ياكيف ماودك ..تعذب يأسود الشيله
وأنا خلك بالدنيا .. ولا عندي سوى أحزاني
,,,,
أقول إنساني أحسن لك .. وقول الحب بطيله
وعيش العالم عادي .. بلا كاني ولا أماني
,,,,
منقول
الأحد يوليو 20, 2008 5:59 am
